● ကြွက်နှစ်ဖွား အဟော
ကြွက်နှစ်သည် “ယင်း” နှစ်ဖြစ်သည်။ ကြွက်နှစ်ဖွားများသည် အများအားဖြင့် အကြားအမြင် ပါရမီရှင်များ ဖြစ်တတ်ပြီး မိမိအတွက်သော် လည်းကောင်း၊ ကောင်းကျိုးဆိုးကျိုးများကို အလိုအလျောက် ထိုးထွင်းသိမြင်တတ်သည့်အပြင် ဟောတတ်၊ ပြောတတ်သော စကားကြွယ်ဝသူများ ဖြစ်သည်။ အဟောအပြောကိုလည်း ၀ါသနာထုံတတ်သည်။ များသောအားဖြင့် ကြွက်နှစ်ဖွားများသည် ကံ ကောင်းတတ်ကြသည်။ သူတို့၏ အတွေးအခေါ်များသည် အနာဂတ်အတွက် အမြဲစိတ်စောနေလေ့ ရှိသည်။ ပစ္စုပ္ပန်တည့်တည့်ကိုသာ တွေးတောတတ်ပြီး ဖြေးဖြေးမှန်မှန် သို့မဟုတ် မြန်မြန်ဆန်ဆန် လုပ်တတ်သည့် မြင်းနှစ်အတွင်း မွေးဖွားသူများနှင့် အမြဲဆန့်ကျင်နေတတ်သည်။
ကြွက်နှစ်မွေးဖွားသူများသည် စိတ်တို၍ အသုံးအဖြုန်း ကြီးတတ်သည်။ ယင်းတို့သည် လောဘကြီး၍ သူတစ်ပါးကို ခေါင်းပုံဖြတ်ရန် ဝန်မလေးသူလည်း ဖြစ်သည်။ ညအချိန်မွေးဖွားသော ကြွက်နှစ်ဖွားတို့သည် နေ့၌ မွေးသူထက်ပို၍ စွန့်စွန့်စားစား လုပ်လိုသူ ဖြစ်တတ်သည်။ ထို့အပြင် ယင်းတို့သည် နေရာအနှံ့ ခရီးသွားလိုသူများ ဖြစ်သည်။ နေ့ဘက်မွေးဖွားသူတို့မှာ အသိဥာဏ်ထိုင်းမှိုင်း၍ ပျင်းရိတတ်သည်။ ယင်းတို့သည် နေ့စဉ်ရက်ဆက် အချိန်မှန်မှန် လုပ်ရသည့် အလုပ်ကို မုန်းတီးသူများ ဖြစ်သည်။ စီးပွားရေးလောက သူတစ်ပါးကို လိမ်ညာရန် ခေါင်းပုံဖြတ်ရန် ၀န်မလေးတတ်ပေ။ ယင်းတို့သည် ရန်လိုတတ်၍ အတင်းအဖျင်းလည်း ပြောတတ်သည်။ စိတ်သဘောထား သေးတတ်သည်။ ၎င်းတို့၏ ကောင်းသော အင်္ဂါရပ်တို့မှာ ချစ်စဖွယ်ရှိခြင်း၊ အလုပ်ကြိုးစားခြင်း ၊ ချွေတာခြင်းတို့ ဖြစ်သည်။
၎င်းတို့သည် ပညာရှင် ပါရဂူများ မဟုတ်သော်လည်း ဖန်တီးဥာဏ်ရှိသူများ ဖြစ်ရာ စာရေးဆရာများ၊ ဝေဖန်သူများ ဖြစ်မည်။ အစုအဝေးဖြင့် ပူးပေါင်း လုပ်တတ်သူများ မဟုတ်ပေ။ ၎င်းတို့သည် တစ်ကိုယ်တော် သမားများ ဖြစ်သည်။ အချစ်နှင့် ပတ်သက်၍ မြူဆွယ်ကောင်းမည်။ အစွဲသန်၍ စိတ်လှုပ်ရှား တတ်မည်။ လက်ဆောင်ပဏ္ဏာ အပေးရက်ရောမည်။
ကြွက်နှစ်သမားများသည် စိတ်သဘောများနှင့် အတွေးအကြံများမှာ ထွေပြားများလွန်းသဖြင့် အင်အားကုန်ခန်း တတ်လေရာ သူတို့အတွက်နားချိန် များများလိုအပ်သည်။ မောပန်းလာသောအခါ အပြည့်အနားယူရန် လိုအပ်ပြီး စောစောအိပ်ရာဝင်သင့်သူများ ဖြစ်ကြ၏။ အချို့သော ကြွက်နှစ်သမားများမှာ လျှို့ဝှက်ဆန်းကြယ်မှုများကို အဖြေရှာရင်း သူတို့ဖာသာ ရှုပ်ထွေးနေတတ်သည်။
ကြွက်နှစ်ဖွား အမျိုးသမီးများသည် အိမ်ထောင်ကျသည့်တိုင် အသက်မွေးဝမ်းကြောင်း အလုပ်၌လည်း အောင်မြင်စွာ လုပ်နိုင်စွမ်း ရှိသည်။ သို့ရာတွင် ပူပင်တတ်၍ နှမြောစု စုတတ်သည်။ ကြွက်နှစ်ဖွားများသည် အိမ်ထောင်ဖက်အဖြစ် နဂါး၊ နွား၊ မျောက်နှစ်ဖွားတို့ကို ရွေးချယ်သင့်သည်။ ယင်းတို့နှင့် အသင့်တော်ဆုံး အိမ်ထောင်ဖက်များမှာ နွားနှစ်ဖွားများ ဖြစ်သည်။ သို့သော် ခွေးနှစ်အတွင်း မွေးဖွားသူများနှင့် အိမ်ထောင်မပြုသင့်ပေ။ ထို့ပြင် မြင်းနှစ်ဖွားတို့နှင့်လည်း မပေါင်းအပ်ပေ။
ကြွက်နှစ်ဖွားများ၌ ထင်ရှားသော ပုဂ္ဂိုလ် ရှိတ်စပီးယား၊ တော်စတွိုင်း၊ ဂျူးဗန်း၊ ရှားလေ့ဘရွန်တေး၊ မာလွန်ဘဲရန်ဒို၊ မိုးဇက်၊ မာတာဟာရီ၊ နာကေဆင်၊ ဝေလမင်းသား ချားလ်စ်၊ ဗင်နက်ဆာ၊ အလက်ဇန္ဒြား မင်းသမီးတို့ ဖြစ်ကြသည်။
● နွားနှစ်အဟော
အနောက်တိုင်း ရာသီစက်ဝန်းမှ နွားကဲ့သို့ပင် တရုတ်ဝေဒပညာအရ နွားဖွားတို့မှာလည်း မြေကြီးကဲ့သို့ နှိမ့်ချသည်းခံတတ်၏။ နွားနှစ်သည် “ယင်း” ရာသီနှစ်ဖြစ်၍ တနင်္လာဂြိုဟ်နှင့် ဆက်စပ်နေပြီး မိခင်စိတ်ရှိသည်။ ယင်းတို့သည် ကာယဗလ ကြီးထွားသန်မာသူများဖြစ်သည်။ အလုပ်လုပ်ရာ၌ ကြိုးစားပန်းစားရှိ၍ တည်ငြိမ်သည်းခံတတ်သည်။ စကားပြောကောင်း၍ စီမံခန့်ခွဲသူများ ဖြစ်ကြသည်။ ယင်းတို့သည် အလုပ်ကြိုးစား လုပ်သဖြင့် လုပ်ငန်းအောင်မြင်တတ်သူ ဖြစ်သည်။
သို့သော် အလုပ်လုပ်ရာ၌ နှေးကွေး၍ ခေါင်းမာတတ်ကြမည်။ တစ်ခါတစ်ရံ မလိုစိတ်၊ ကလဲ့စား ချေလိုစိတ် ရှိမည်။ ချစ်စဖွယ် အမူအရာ မရှိချေ။ အချစ်ရေး၌ လှိုက်လှိုက်လှဲလှဲ မရှိပေ။ စိတ်ဆိုးလာလျှင် မလုပ်သင့်သည်များကို နှိုင်းနှိုင်းဆဆ မလုပ်တတ်ကြချေ။ နွားနှစ်ဖွားများသည် အတိတ်က ရွှေထီးဆောင်းခဲ့သည့် အကြောင်းကို တမြုံ့မြုံ့ တွေးနေတတ်ကြသည်။ ယင်းတို့သည် သက်တောင့် သက်သာမှုကိုလည်း နှစ်သက်ကြသည်။ နေ့ဘက် မွေးဖွားသော နွားနှစ်သမားများသည် ဘ၀တလျှောက် ခက်ခဲပင်ပန်းစွာ ရုန်းကန်လှုပ်ရှားရသည်။ ညမွေးသူများမှာ မိမိဘ၀ခရီးမှာ လွယ်ကူချောမွေ့ ပန်းခင်းသောလမ်းကို လျှောက်လှမ်းရမည်။ နွားနှစ်ဖွားယောကျာ်းများသည် မိန်းမတို့၏ သဘောကို စာနာနားလည်တတ်သဖြင့် မိန်းမတို့၏ အားထားဖွယ်ရာလည်း ဖြစ်သည်။
နွားနှစ်ဖွားပုဂ္ဂိုလ်သည် အိမ်ထောင်အကြီိးအကဲဖြစ်က မယားနှင့် သားသမီးများကို ချစ်တတ်သော်လည်း တစ်သွေးတစ်သံ တစ်မိန့် ကျင့်သုံးတတ်သည်။ အိမ်ရှင်မသည် စိတ်ကြံ့ခိုင်မည်။ အိမ်သူအိမ်သားများ မပူမပင်ရအောင် စီမံတတ်မည်။ သို့သော် တီတီတာတာ ပြောဆိုပြုမူမည် မဟုတ်ပေ။ နွားနှစ်ဖွား မိန်းမများမှာ အထူးမိန်းမဆန်တတ်ပြီး အရွယ်ရောက်သောအခါ အထူးပျော်ရွှင် နှစ်သိမ့်မှုကို ခံစားရတတ်သည်။ သူတို့၏ မသဘာဝကို ဟန့်တားမှု ခံရပါက ဖျားနာတတ်၏။ အထူးသဖြင့် နွားနှစ်ဖွားတို့သည် အသက်ရှည်တတ်၏။
နွားနှစ်ဖွားတို့သည် စီးပွားရေး၌ ကြွက်နှစ်ဖွားများနှင့် အလုပ်လုပ်သော် အောင်မြင်တတ်သည်။ ကျား၊ နဂါးနှစ်ဖွားများနှင့် ပေါင်းစပ် မလုပ်သင့်ပေ။ အိမ်ထောင်အဖြစ် ကြွက်၊ ကြက်နှင့် မြွေနှစ်ဖွားများကို ရွေးသော်သင့်၏။ မြင်းနှင့် ဆိတ်နှစ်ဖွားများကိုမူ အထူးရှောင်သင့်သည်။ နွားနှစ်ဖွားများ၌ ထင်ရှားသူများမှာ နပိုလီယံ၊ ဟစ်တလာ၊ ချာလီချက်ပလင်၊ ဗီဗီယံလေး၊ ရစ်ချက်ဘာတန်၊ ပီတာဆဲလား၊ ဂျိန်းဖွန်ဒါ၊ လက်ဝှေ့ချန်ပီယံ ဖရန်ဘရူနိုး၊ ပေါ့ချူးမန်း၊ ရောဘတ်ရက်ဖို့ဒ်၊ ဒိုင်ယာနာမင်းသမီး ၊ ဝေါ့ဒစ္စနေးလ်၊ စပိန်ဘုရင်ဟွမ်းကာလို့စ်၊ အိန္ဒိယ၀န်ကြီးချုပ် နေရူး၊ ရော့ဂီတ အဆိုကျော် ဘရုစ်စပရင်းစတင်းနှင့် ဗြိတိန် ၀န်ကြီးချုပ်ဟောင်း မာဂရက်သက်ချာတို့ ဖြစ်သည်။
● ကျားနှစ်ဖွား အဟော
ကျားနှစ်ဖွားများသည် ယန်းရာသီနှစ်ဖြစ်၍ အမဓါတ်ဖြစ်သော အလင်းရောင် နွေးထွေးခြင်းနှင့် လုပ်ငန်းဆောင်တာများကို ကိုယ်စားပြုသည်။ ကျားနှစ်ဖွားများသည် ခွန်အားနှင့် ပြည့်စုံ၍ စိတ်ဓါတ်ပြင်းထန် တက်ကြွကြပြီး တစ်ခါတစ်ရံ ရန်လိုတတ်သော သဘာဝရှိရုံမက ခက်ထန်ကြမ်းကြုတ်သော သဘောများလည်း ရှိတတ်သည်။ ညပိုင်းမွေးသူများအဖို့ ရန်လိုတတ်သော သဘာဝ ပိုမိုပြင်းထန် စူးရှတတ်သည်။ ယင်းတို့သည် မိမိကိုယ်ကိုလည်း အလွန်အထင်ကြီးသူများ ဖြစ်သည်။ အုပ်ချုပ်စိုးမိုးသူကို တော်လှန်လိုသူများလည်း ဖြစ်သည်။ စိတ်လွတ်ကိုယ်လွတ် လုပ်တတ်ကြသည်။
ကျားနှစ်ဖွား အမျိုးသမီးများသည် သူတစ်ပါးအား စွဲဆောင်နိုင်စွမ်း ရှိသည်။ ယင်းတို့သည် ဥစ္စာပစ္စည်း မမက်မောသော်လည်း ခေါင်းမာတတ်သည်။ ရှေးရိုးစဉ်လာ ထုံးတမ်းများနှင့် လုပ်ရိုးလုပ်စဉ် ဓလေ့များကို တော်လှန်တတ်သည်။ များသောအားဖြင့် ကျားနှစ်ဖွားများသည် အချစ်တရွာ ဆင်နွတတ်ပြီး မျက်ရည်တစ်ရွာဖြင့် အဆုံးသတ်ရတတ်သည်။ ကျားနှစ်ဖွားများသည် အများနှင့် ဆက်ဆံရာတွင် ပွင့်ပွင့်လင်းလင်း ပြတ်ပြတ်သားသားရှိပြီး ပြဿနာကို တည့်တည့်ကြည့်ရှု သုံးသပ်တတ်ပေသည်။ ယင်းတို့တွင် ကြင်နာနွေးထွေးသော နှလုံးသား ရှိတတ်ပြီး အပိုဖြုန်းတီးမှုလည်း ကင်းပေသည်။ ကျားနှစ်ဖွားသော အမျိုးသားများသည် လှိုက်လှိုက်လှဲလှဲ ချစ်တတ်သည်။ ထိုနည်းတူ သူ့ကိုလည်း သစ္စရှိရှိ ပြန်ချစ်စေချင်သည်။ စီးပွားရေး၌ တစ်ကိုယ်တော်သမားဖြစ်၍ တပါးသူသြဇာကို နာခံလိုစိတ်မရှိ၊ ငွေများများရှာတတ်၍ ငွေများများ သုံးဖြုန်းတတ်သည်။ ယင်းတို့သည် များသောအားဖြင့် စစ်ဘက်၌ဖြစ်စေ လူသူမပေါက်ရောက်သည့် နေရာမျိုးကို သွားရောက်လေ့လာရေး၌ဖြစ်စေ အောင်မြင်နိုင်မည်။
ကျားနှစ်ဖွား မိန်းကလေးတစ်ယောက်နှင့် ဖူးစာဖက်မိသော ယောက်ျားတစ်ယောက်အဖို့ အသေစောတတ်သဖြင့် ကြောက်စရာ ကောင်းလှသည်။ ထို့ကြောင့် ကျားနှစ်ဖွား မိန်းကလေးများသည် ဘ၀ခရီး သေဘက်နီးသော သက်ကြီးရွယ်အိုများနှင့် လက်ထပ်လေ့ရှိသည်။ သို့ရာတွင် ကျားနှစ်တွင် မွေးဖွားသော ယောကျာ်းလေးအတွက်ကား သာယာပျော်ရွှင်ဖွယ် အတိပြီး၏။ အဘယ့်ကြောင့်ဆိုသော် ကျား၏ ခက်ထန်ကြမ်းကြုတ်သော သဘောသဘာဝသည် ခိုးသူး မီးနှင့် တစ္ဆေတည်းဟူသော အဖျက်ရန် သုံးပါးကို အပြီးအပိုင် တိုက်ထုတ် နိုင်သောကြောင့်ပင်တည်း။
“ကျားတစ်ကောင်၏ အရိပ်အယောင်ကို မြင်ရရုံဖြင့် မြွေတစ်ကောင်သည် ဓါးရှခံရသလို နာကျင်တတ်သည်” ဟူသော တရုတ်စကားပုံအလိုအရ ကျားနှစ်ဖွားများသည် မြွေနှစ်ဖွားသူများကို လက်မထပ်သင့်ပေ။ မျောက်၊ နွားနှစ်ဖွားများနှင့်လည်း မသင့်ပေ။ ကျားနှစ်ဖွားများသည် မြင်း၊ ခွေး၊ နဂါး ၊ ၀က်နှစ်ဖွားများနှင့် အိမ်ထောင်ဘက် ပြုသင့်သည်။ ကျားနှစ်ဖွားများအတွက် အသင့်တော်ဆုံး ဖူးစာရှင်များမှာ ၀က်နှစ်ဖွားများ ဖြစ်ကြပေသည်။ ထင်ရှားသော ကျားနှစ်ဖွားများမှာ မြန်မာ့လွတ်လပ်ရေး ဖခင်ကြီး ဗိုလ်ချုပ်အောင်ဆန်း၊ ဟိုချီမင်း၊ မာကိုပိုလို၊ မာရီလင်မွန်ရိုး ၊ ကားလ်မတ်စ်၊ ပြင်သစ်သမ္မတဟောင်း ဒီဂေါ၊ အော်စကာဝိုင်း၊ နယ်သာလန် ဘုရင်မကြီးဘီထရစ်၊ ဗီသိုဗင်၊ အက်ဂါသာ ခရစ္စတီး၊ တွမ်ခရုစ်၊ ဗြိတိန် ဒုတိယမြောက် အယ်လစ်ဇဘတ် ဘုရင်မကြီး၊ ဖရက်ဒရစ်ဖော့ဆက်၊ ဆာဒေးဗစ်စတီး၊ လော့ဒ်အိုဝင်တို့ ဖြစ်ကြသည်။
● ယုန်နှစ်ဖွား အဟော
ယုန်နှစ်ဖွားများသည် “ယင်း” ရာသီနှစ် ဖြစ်သည်။ ယုန်နှစ်ဖွားများသည် ကံကောင်း၍ စိတ်ကောင်းရှိသည်။ ပျော်ရွှင်ခြင်း၊ ချစ်ခင်တတ်ခြင်း၊ ကြင်နာတတ်ခြင်း ရှိတတ်ကြသည်။ သို့သော် ယင်းတို့သည် စိတ်ထိခိုက်လွယ်၍ စိတ်ကူးယဉ်သူများလည်း ဖြစ်ကြလေသည်။ သူတို့သည် ဥာဏ်ပညာ ထက်မြက်၍ ပါးနပ်လိမ္မာကြသည့်အပြင် အမြော်အမြင်လည်း ကြီးကြသည်။
ရှေးဟောင်း တရုတ်စကားပုံ တစ်ခုတွင် “ပါးနပ်သော ယုန်တစ်ကောင်၏ တွင်းမှာ ဂူပေါက်သုံးခုရှိ၍ မည်သည့်ကံကြမ္မာကို ဖြစ်စေ ပြုပြင် ပြောင်းလဲပစ်နိုင်သည်” ဟု ဆိုထားသည်။ ထိုနည်းတူ ယုန်နှစ်ဖွားများသည် (၀ါ) ထွက်ပေါက်မရှိသော လမ်းများကို လျှောက်လေ့ရှိသည်။ ထိုနည်းတူ တစ်လမ်းသွား အလုပ်များကိုလည်း လုပ်လိုစိတ်မရှိကြပေ။ ယုန်နှစ်ဖွားများသည် အခြေခံအားဖြင့် နွေးထွေးကြင်နာသော နှလုံးသားပိုင်ရှင်များ ဖြစ်ကြသော်လည်း အပြင်ပန်းအားဖြင့် အေးတိအေးစက်နိုင်ပြီး အတွေ့အထိအာရုံများကိုလည်း တွန့် ဆုတ်သော သဘောရှိသည်။ ယုန်နှစ်ဖွားများသည် ရက်စက်ကြမ်းကြုတ်ခြင်းနှင့် ရိုင်းစိုင်းခြင်းများကို ရွံရှာမုန်းတီးလေ့ရှိသည်။ အရာရာတွင် အလယ်အလတ် သဘောရှိသည်။ အခြားသူများကိုလည်း ကူညီတတ်၍ အကင်းပါးသူများဖြစ်သည်။
ယုန်နှစ်ဖွား အမျိုးသားသည် အမျိုးသမီးများကို ဆွဲဆောင်နိုင်စွမ်းရှိ၍ အများနှင့် ရောနှော ပေါင်းသင်းတတ်သည်။ မိတ်ဆွေဖွဲ့ရာ၌လည်း လိမ္မာ၍ ရာသက်ပန်မိတ်ဆွေများ ရရှိတတ်သည်။ ထိုသို့သော အိမ်ထောင်ဦးစီးတို့သည် မိမိတို့ သားမယားကို ဂရုတစိုက်ထားရှိ၍ အေးအေးဆေးဆေး နေလိုစိတ် ရှိကြသည်။ ယင်းတို့၏ အားနည်းချက်မှာ လောင်းကစားတတ်ခြင်း ဖြစ်သည်။ ယုန်နှစ်ဖွား အမျိုးသမီးတို့သည် ကောင်းသော အိမ်ရှင်မ ဖြစ်တတ်သော်လည်း ပလွှားဝင့်ကြွားတတ်၍ ထင့်ခနဲရှိလျှင် စိတ်ထိခိုက်တတ်သည့် အထိမခံ ရွှေပန်းကန်များ ဖြစ်သည်။ စီးပွားရေး၌ ယုန်နှစ်ဖွားများသည် အောင်မြင်တတ်၍ နိုင်ငံရေး သံတမန်ရေးတို့၌လည်း အောင်မြင်တတ်သည်။
ထင်ရှားသော ယုန်နှစ်ဖွားများမှာ ဟင်နရီဂျိမ်းစ်၊ ဆာဟဲ့လက်ဒေါက်ဂလပ်ဟုမ်း၊ စတာလင်၊ ရူးဒေါ့ဖ်နာရီယက်မ်၊ အာသာမီလာ၊ အယ်လဘတ်မင်းသား၊ ဖီဒယ်က်စထရို၊ ကွန်ဖြူးရှပ်၊ မာရီကျူရီ၊ အယ်လဘတ်အိုင်းစတိန်း၊ ဂျိန်းစဘွန်းရုပ်ရှင်မင်းသား ရော်ဂျာမိုး၊ ဟာသမင်းသားကြီး ဘော့ဟုပ်၊ စစ်တုရင် ချန်ပီယံများ ဖြစ်ကြသော အနာတိုလီကားလ်ပေါ့နှင့် ဂယ်ရီကက် ပါရော့ဗ်၊ ၀ိတိုရိယ ဘုရင်မကြီးနှင့် ဗိုလ်ချုပ်အောင်ဆန်း၊အမေရိကန် ကဗျာဆရာကြီး ဒေးဗစ်ဖရော့စ်တို့ ဖြစ်ကြသည်။
● နဂါးနှစ် အဟော
နဂါးနှစ်သည် ယန်းနှစ် ဖြစ်သည့် နဂါးသည် တရိပ်ရိပ်တက်နေသော တန်ခိုးအာဏာကို ညွှန်း၏။ သူ့ကိုယ်သူ ပုံသဏ္ဍာန်အမျိုးမျိုး ပြောင်းလဲ ဖန်ဆင်းနိုင်သည့် အခြေအနေ အမျိုးမျိုးနှင့်လည်း လိုက်လျောညီထွေရှိအောင် နေတတ်သည်။ အတိတ်သြဘာ အလွန်ကောင်းသော နှစ် ဖြစ်၏။ နဂါးများကို အကြီးနှင့် အသေးဟူ၍ နှစ်မျိုး ခွဲထားနိုင်သည်။ နဂါးနှစ်ဖွားများ၏ ထူးခြားချက်မှာ သဒ္ဒါတရား ထက်သန်သောသူ ဖြစ်သည်။ စိတ်လွတ်ကိုယ်လွတ်နေတတ်သော အတွေ့အကြုံအရ နားလည်လွယ်သော အစွဲအလမ်းကြီးသော နည်းလမ်းကျကျ အရာရာအပေါ် ကြည့်မြင်သုံးသပ် အကြံကောင်း ဥာဏ်ကောင်း တွေးခေါ်တတ်သော ထွန်းပေါက်အောင်မြင်သော ကျန်းမာသန်စွမ်းသော လျှို့ဝှက်ချက်ကို မြင်လွယ်သော စသည့် အရည်အချင်းတို့နှင့် ပြည့်စုံသည်။
ထို့ပြင် နဂါးနှစ်ဖွားတို့သည် ဥာဏ်ထက်မြက်၍ လုပ်ရည်ကိုင်ရည်ရှိသောကြောင့် ခေါင်းဆောင်များ ဖြစ်တတ်ကြသည်။ ကျန်းမာရေးကောင်းပြီး ရဲရင့်တက်ကြွသူများလည်း ဖြစ်သည်။ ပညာရှင် သို့မဟုတ် အနုပညာရှင် ဖြစ်တတ်ပြီး ပါးရည်နပ်ရည် ရှိမည်။ စိတ်တိုခြင်း၊ ကိုယ့်ဖို့သာကြည့်ခြင်း၊ ခေါင်းမာခြင်း များလည်း ဖြစ်တတ်သည်။ ယင်းတို့သည် အဝတ်အစားကို ကောင်းမွန်သပ်ရပ်စွာ ဝတ်ဆင်တတ်သည်။ အချစ်နှင့် ပက်သက်၍ စိတ်ကူးယဉ်တတ်မည်။ ဗြောင်ပြောတတ်သဖြင့် ရေရှည်မိတ်ဆွေ သင်္ဂဟ မရှိတတ်။ အိမ်၌ အာဏာရှင်တမျှ အမိန့်ပေးသမျှ အားလုံးက လိုက်နာစေချင်သည်။
နဂါးနှစ်ဖွား အမျိုးသမီးများသည် ထကြွလုံ့လရှိသည်၊ စိတ်ကူးယဉ်တတ်သည်။ ကလက်တတ်သည်။ အိမ်ကို သပ်ရပ်စွာ ထားချင်သော်လည်း အိမ်မှုကိစ္စများကို လုပ်ရန်ပျင်းသည်။ မုန်းသည်။ ၀တ်ဆင်ရာ၌ တောင်ပြောင်သော အရောင်များ အဆင်များကို နှစ်သက်တတ်သည်။ နဂါးနှစ်ဖွားများမှာ စည်းစိမ်ချမ်းသာ၊ တန်ခိုးအာဏာ၊ ကုသိုလ်ကံကောင်းခြင်း၊ အသက်ရှည်ခြင်းတို့နှင့် ပြည့်စုံသည့်အပြင် ဆန့်ကျင်ဘက် လိင်များအလယ်တွင် ထင်ပေါ်ကျော်ကြားတတ်သည်။ ငယ်ရွယ်စဉ်အခါကပင် ဤအရည်အသွေးများ အနည်းငယ် ထင်ရှားပြီး ဖြစ်သည်။ အားလုံးသော နဂါးနှစ်ဖွားများ (ကြီးငယ်မဟူ) မှာ ပြင်းထန်သော စိတ်ဓါတ်များ ရှိတတ်ပြီး အခြားသူများ၏ အမိန့်ပေးခြင်းကို စက်ဆုပ်တတ်ကြသည်။
အချစ်ရေး၌ နဂါးနှစ်ဖွားများသည် အခြားသူများထက်ပို၍ သဲသောကြောင့် ချစ်ကြိုက်သူ များသော်လည်း သစ္စာမဲ့တတ်သည်။ လုပ်ငန်းများ၌ဖြစ်စေ၊ စီးပွားရေး၌ဖြစ်စေ၊ အောင်မြင်တတ်သည်။ စီးပွားရေး၌ ကျား၊ မျောက်၊ ဝက် နှစ်ဖွားများနှင့် ဆက်ဆံက အကျိုးဖြစ်ထွန်းမည်။ နဂါးနှစ်ဖွား အမျိုးသမီးများမှာ ကာမဂုဏ်အာရုံများတတ်သဖြင့် ယုန်နှစ်ဖွားသူများနှင့် လက်မထပ်သင့်ပေ။ ထိုနည်းတူ မျောက်နှစ်ဖွားများနှင့်လည်း မသင့်တော်လှပါ။ အကောင်းဆုံးမှာ ကြက်၊ မြွေ ၊ ကြွက်နှစ်ဖွားများကို ရွေးသင့်ပေသည်။ ထင်ရှားသော နဂါးနှစ်ဖွားများမှာ အက်ဒ၀ပ်ဟိသ်၊ ဟာရိုးဝီလ်ဆင်၊ ဟိုချီမင်း၊ လော့ရင့်စ်ဟာဗေး၊ ထရီဗာ၊ ဟောင်းဝေါ့ဒ်၊ ပန်းချီဆရာ ဆာဗာဒါဒါလီ၊ အက်ဒဝပ်မင်းသား၊ စာရေးဆရာ ဂရေဟမ်ဂရင်း၊ ချေဂွေဗွားယား၊ မာတင်လူသာကင်း၊ ဒိန်းမတ်ဘုရင်မကြီး ဒုတိယမြောက် မာဂရက်၊ အေဗရာဟင်လင်ကွန်း၊ ပြင်သစ်သမ္မတကြီး ဖရန်ဆွာမီထရောင်း၊ ဖလောရင့်စ် နိုက်တင်ဂေး၊ ပြဇာတ်စာရေးဆရာကြီး ဂျော့ဗားနတ်ရှော၊ အက်ဒဝပ်ရှီဗာနာဇေ၊ ကလင့်ဖ်ရစ်ချက်၊ ရုပ်ရှင်သရုပ်ဆောင် ဂျိမ်စ်ကိုဘန်း၊ ဂရီဂိုရီပက်၊ ခရစ္စတိုဖာရီး၊ ရက်ကွယ်ဝက်ခ်ျ၊ ဟစ်ဂမန်ဖရွိုက်နှင့် အီဂျစ်သမ္မတ ဘော့စ်နီမူဟာရက် တို့ ဖြစ်ကြသည်။
● မြွေနှစ် အဟော
မြွေနှစ်သည် ယန်းနှစ်ဖြစ်၍ နဂါးနှစ်ကဲ့သို့ပင် အတိတ်သြဘာ မင်္ဂလာရှိသော နှစ်ဖြစ်၏။ မြွေနှစ်ဖွားများမှာ အာရုံခံစားမှု ကောင်းသော ညို့ငင်အားကောင်းသော၊ စိတ်ဓာတ်မှန်ကန်တိကျသော အရည်အချင်းရှိသည်။ ချမ်းသာကြွယ်ဝသော စွဲလမ်းစွာ လုပ်ဆောင်တတ်သော သာယာပျော်ရွှင်သော ဘ၀ကိုပိုင်ဆိုင်သော ချစ်ခင်နှစ်သက်ဖွယ်ရာ လုပ်ဆောင်နိုင်သောသူ ဖြစ်သည်။ ထို့ပြင် ဗဟုသုတပြည့်စုံခြင်း၊ ဥာဏ်ပညာပြည့်ဝခြင်း၊ သတိရှိခြင်း၊ အေးဆေးတည်ငြိမ်ခြင်း၊ စိတ်ကြီးခြင်း၊ အလွယ်တကူ စိတ်မပြေနိုင်ခြင်း၊ ပျင်းရိငြီးငွေ့ခြင်းတို့ ပါရှိတတ်သည်။ ကံကောင်းခြင်း၊ သနားကြင်နာတတ်ခြင်းတို့လည်း ပါဝင်ပေသည်။ တစ်ယူသန်ခြင်း ဆန့်ကျင်တိုက်ခိုက်ခြင်းတို့လည်း ရှိသည်။
မြွေနှစ်ဖွားများမှာ လေးစားမြတ်နိုးဖွယ်ကောင်းသလို ကြောက်မက်ဖွယ်လည်း ကောင်းပေသည်။ ထို့ပြင် ယင်းတို့သည် ပညာရှိ၍ အရာရာတွင် နက်ရှိုင်းစွာ တွေးခေါ်တတ်သည်။ ခေါင်းမာတတ်၊ အတ္တစွဲလည်းရှိတတ်ပေသည်။ မိမိအား ဆန့်ကျင်သူကို အလိမ္မာသုံး၍ ကလဲ့စားချေ တတ်သည်။ မြွေနှစ်တွင် မွေးဖွားသော ယောကျာ်းကလေးအတွက် ကုသိုလ်ကံကောင်းသည် ဆိုရမည်ဖြစ်သော်လည်း မိန်းကလေး တစ်ယောက်အတွက် ကြင်ဖက်ရှာရန် ခက်လှသည်။ မြွေနှစ်ဖွား မိန်းကလေးများကို တစ်ကိုယ်ကောင်းဆန်၍ မကောင်းကျိုးသာ ပေးတတ်သည်ဟု ယူဆထားသောကြောင့် ဖြစ်သည်။ သို့ရာတွင် မြွေနှစ်ဖွား အမျိုးသမီးများသည် အခက်အခဲများကို အကောင်းဆုံးဖြစ်အောင် အသုံးချနိုင်သူများ ဖြစ်၏။ သူတို့သည် ခွန်အားပြည့်ဝ၍ သွက်လက်ချက်ချာသူများလည်း ဖြစ်၏။
ထို့ပြင် မြွေနှစ်ဖွား အမျိုးသမီးများသည် အလွန်လှပ၍ နှစ်နှစ်ကာကာချစ်သူများ ဖြစ်တတ်သည်။ သူတို့သည် လက်ဖွာ၍ မီးဖိုချောင်လုပ်ငန်းကိုလည်းကောင်း၊ အိမ်မှုကိစ္စကိုလည်းကောင်း မလုပ်လိုကြ။ သို့သော် မိခင်ကောင်းများကား ဖြစ်ကြသည်။ မြွေနှစ်ဖွားအမျိုးသားများသည် ချောမော၍ တစ်ပါးသူအား ဆွဲဆောင်နိုင်စွမ်း ရှိသည်။ ပရိယာယ်ပါရဂူဖြစ်၍ မိမိမယားကို ပိုင်စိုးပိုင်နင်း ရှိတတ်သည်။ အချစ်ရေး၌ စွဲစွဲမြဲမြဲ မရှိလှပေ။ နဂါးနှစ်များကဲ့သို့ပင် မြွေနှစ်ဖွားများလည်း ပြောင်းလဲနေသော အခြေအနေများအတိုင်း လိုက်လျောညီထွေရှိအောင် သင့်တင့်လျောက်ပတ်စွာ နေထိုင်တတ်ကြသူများ ဖြစ်သည်။ ထို့ကြောင့် မြွေနှစ်ဖွား တစ်ဦးနှင့် ဆက်ဆံရာတွင် သင်သည်အခြေအနေမှန်ကို ခန့်မှန်းရန် မလွယ်ကူပေ။ မြွေနှစ်ဖွားများသည် လုပ်ငန်းတိုင်း၌ အောင်မြင်တတ်သည်။ ဇွဲနပဲရှိပြီး စေ့စပ်သေချာတတ်သည်။ ဂီတသမား၊ စာပေသမား၊ အတွေးအခေါ်သမားများလည်း ဖြစ်တတ်သည်။ စီးပွားရေး၌ မြင်း သို့မဟုတ် နဂါးနှစ်ဖွားများနှင့် တွဲဖက်လုပ်ကိုင်သင့်သည်။ အိမ်ထောင်ရေး၌ ကျွဲ၊ ကြက်၊ နဂါးဖွားမျာနှင့် အသင့်မြတ်ဆုံးဖြစ်သည်။ ကျား၊ ဝက် ၊ မျောက်ဖွားများကို ရှောင်သင့်ပေသည်။
ထင်ရှားသော မြွေနှစ်ဖွားများမှာ ဟဲဗီးဝိတ် လက်ဝှေ့ချန်ပီယံဟောင်း မိုဟာမက်အလီ၊ ပါလက်စတိုင်းခေါင်းဆောင် ယာဆာအာရာဖတ်၊ ၀ီလျံဘလိတ်၊ ဟိန်းနရစ်ဘွိုင်း၊ အိန္ဒိယအမျိုးသား ခေါင်းဆောင်ကြီး မဟတ္တမဂန္ဓီ၊ မော်နာကိုမင်းသမီး ဂရေစ့်ကယ်ရီ၊ အမေရိကန်သမ္မတ ဂျွန်အက်ဖ် ကနေဒီ ၊ တရုတ်ပြည်ခေါင်းဆောင်ကြီး မော်စီတုန်း၊ ဟင်နရီမားတီး၊ စာရေးဆရာ အက်ဂါအယ်လင်ပိုး၊ ဂျင်းပေါ ဆာတေး၊ ဖာဂျင်းနီးယားဝုပ်ဖ် ၊ ဂျက္ကလင်းအိုနာစစ်၊ ရန်အိုနေးလ်၊ ပန်းချီကျော် ပီကာဆို၊ ဂျိုးဇက်ကွန်ရက်၊ အော်ဒရီဟက်မန်း၊ ဒင်းမာတင်၊ ဘရုရှီးလ်စ်တို့ ဖြစ်သည်။
● မြင်းနှစ် အဟော
ခွန်အားကြီးမားသော အဖိုဓါတ် (ယန်း) ဘူတသည် ကန်နှစ်အတွင်း ကောင်းစွာ ကြီးစိုး၏။ မြင်းနှစ်ဖွားများသည် တိကျပြတ်သားခြင်း၊ သန်မာခြင်း၊ သစ္စာရှိခြင်း၊ အားထားယုံကြည်လောက်ခြင်းနှင့် ပြည့်စုံ၏။ ထို့ပြင် ယင်းတို့သည် အောင်မြင်မှုကို လက်ကိုင်ထား၍ သီးခြားနေထိုင်တတ်သူ ဖြစ်သည်။ လျင်မြန်သော၊ ဖြတ်ထိုးဥာဏ်ရှိသော၊ ဆွဲဆောင်မှုရှိသော၊ ချစ်ခင်နှစ်သက်ဖွယ်ကောင်းသော၊ ဂရုမစိုက်သော၊ မြှောက်ပင့်တတ်သော၊ နိုင်ငံရေး ၀ါသနာပါသော၊ စိတ်မရှည်တတ်သော၊ အလွန်ပြင်းထန်တတ်သော၊ မာနကြီးသော၊ စိတ်ကြီးသော၊ တစ်ယူသန်သော၊ ကိုယ့်ကိုယ်ကို ယုံကြည်ကိုးစားသော ၊ အကြံဥာဏ်ဝေဖန်သုံးသပ်မှုကို လက်မခံသော သဘောတို့ ရှိသည်။ အရာရာကို ချစ်ခင်နှစ်သက်ဖွယ်ပြုမူ ဆောင်ရွက် အနိုင်ယူတတ်သည်။ ညမွေးမြင်းနှစ်ဖွားများသည် နေ့မွေး မြင်းနှစ်ဖွားများထက် တည်ငြိမ်သော ဘ၀ အကျိုးပေးများ ခံစားရတတ်၏။ တရုတ်လူမျိုးတို့၏ ရှေးဟောင်း အယူအဆ မြင်းသည် ပိုးနှင့် ပိုးထည်များကို ဆက်စပ်နေသည့်အားလျော်စွာ ထိုနှစ်ဖွားများမှာလည်း ပိုးနှင့် ပိုးထည်များတွင် အကျိုးပေး သန်ပေသည်။
မြင်းနှစ်ဖွားများသည် ပရိယာယ်ကြွယ်ဝသည့်အပြင် တဘက်သား ချီးမွမ်းပြောဆိုရာတွင်လည်း သိမ်မွေ့ညက်ညောသည်။ ထို့ကြောင့်လည်း သူတို့ကို လူချစ်လူခင်များခြင်း ဖြစ်သည်။ ယင်းတို့၏ ချို့ယွင်းချက်မှာ စကားများလွန်းခြင်း၊ ဟန်ထုတ်လွန်းခြင်း၊ အရိပ်သုံးပါး နားမလည်ခြင်းတို့လည်း ရှိတတ်သည်။ မြင်းနှစ်ဖွား အမျိုးသားများသည် ကောင်း၍ အမျိုးသမီးများအတွက် မကောင်းဟု တရုတ်များ အယူအဆ ရှိကြသည်။ အမျိုးသားတို့သည် မိတ်ဆွေအပေါင်းအသင်းများနှင့် အကျွမ်းတ၀င် ရှိတတ်ကြသည်။ ယင်းတို့သည် ကျကျနန ၀တ်စားတတ်ကြသည်။ အကြံဥာဏ်ယူသည်ထက် အကြံဥာဏ်ပေးတတ်ကြသည်။ အိမ်ထောင်ဦးစီးအနေဖြင့် ပိုင်စိုးပိုင်နင်းသဘော တစ်ကိုယ်ကောင်း ကြံသည့်စိတ်ဓါတ် ရှိတတ်သည်။ မြင်းနှစ်ဖွား အမျိုးသမီးများသည် ရှိုးမိုးထုတ်တတ်သူများဟူ၍ နာမည်ကြီးပြီး အလှအပကြိုက်တတ်သည်။ စိတ်ကူးယဉ်သမားများလည်း ဖြစ်ကြမည်။ အတင်းအဖျင်းပြောခြင်း၊ အငြင်းသန်ခြင်း၊ ခေါင်းမာခြင်း စသည့် ဥာဏ်များ ရှိတတ်သည်။ မိမိကိုယ်ကို မိမိယုံကြည်ခြင်း၊ စကားပြောကောင်းခြင်း၊ ဇ၀နဥာဏ်ရှိခြင်း၊ မာနကြီးခြင်း၊ ငွေကြေးရှာဖွေတတ်ခြင်း တို့လည်း ရှိတတ်သည်။
အချစ်ရေး၌ အပေးသမားများဖြစ်ကြပြီး အခြားသူများ၏ အပျော်ကြံခြင်း ခံရတတ်သည်။ စီးပွားရေး၌ ခွေးနှစ်ဖွားရှိသူနှင့် အလုပ်လုပ်က အောင်မြင်မည်။ နိုင်ငံရေး၊ ရုပ်ရှင်၊ ပြဇာတ် စသည့် အနုပညာလောက၌ အထူးအောင်မြင်နိုင်သည်။ မြင်းနှစ်ဖွားများသည် ကျား၊ ခွေးနှစ်ဖွားများနှင့် သင့်မြတ်သည်။ နွား၊ ယုန်နှင့် မြင်းနှစ်ဖွားတို့နှင့်ကား ဖီလာဖြစ်သည်။ ကြွက်နှစ်ဖွားနှင့်ကား ဓမ္မသောက ဖြစ်၏။ ယင်းတို့ အကောင်းဆုံး ဘ၀ကြင်ဖော်မှာ သိုးနှစ်ဖွား ဖြစ်သည်။
မြင်းနှစ်ဖွားများ၌ ထင်ရှားသူများမှာ ကရုရှက်၊ ရင်းဖရန့်၊ ရုစဗဲ့၊ ပတ်စချာ၊ အိုင်ဇက်နျူတန်၊ ဆိုဇင်နစ်ဇင်၊ဂျင်ဂျစ်ခန်၊ မာဂရက်မင်းသမီး၊ ၀င်ဆာမြို့စားကြီး အရစ်တိုတယ်အိုနာစစ်၊ ရှောင်ကွန်နရီ၊ ဘယ်ဂျီယန်ဘုရင် ဘော်ဒွင်၊ အမေရိကန် အာကာသသူရဲကောင်း နေးလ်အမ်းစထရောင်း၊ လီယိုနစ်ဘရက်ဇညက်၊ ကီမင်ကော့စ်နာ၊ ဂျိမ်းစ်ဒင်း၊ ဟာရစ်ဆန်ဖို့ဒ်၊ သောမတ်အယ်ဗာဒီဆင်၊ ဂျင်းဟက်မန်း၊ နယ်ဆင်မင်ဒဲလား၊ ဘောရစ်ယယ်ဆင်၊ မိုက်ကယ်ယော့၊ လူဝီပတ်ချာ၊ အန်န၀ါဆာဒတ်၊ မိုက်တိုင်ဆန်တို့ ဖြစ်သည်။
● ဆိတ်နှစ်ဖွား အဟော
ဆိတ်နှစ်သည် ယင်းနှစ်ရာသီ ဖြစ်သည်။ ဆိတ်နှစ်ဖွား သားသမီးများမှာ မိဘများကို လေးစားကြည်ညို ချစ်ခင်သူများဖြစ်ခြင်းကြောင့် စံပြ သားကောင်း သမီးကောင်းများ ဖြစ်လေ့ရှိ၏။ များသောအားဖြင့် သူတို့သည် မိဘရိုးရာ နောက်ခံအကြောင်းများ (အယူအဆများ) မှ သွေဖီပြုလုပ်လိုစိတ် မရှိကြပေ။ အစဉ်အလာ ဓလေ့ထုံးစံသမားများ ဖြစ်ကြပြီး ပုဂ္ဂလိက ခံစားချက်နှင့် လွတ်လပ်မှုကို အလေးထားလေ့ မရှိကြပေ။ သူတို့၏ သွင်ပြင်မူယာများသည် အရောင်များနှင့် မွမ်းမံထားပြီး ပြောသမျှ စကားလုံးများကိုလည်း ကြိုတင်စီစဉ် ရွေးချယ်ထားလေ့ရှိသဖြင့် ဘ၀လမ်းကြောင်းကို သတိထားရွေးချယ်ပြီး ဖြစ်သည့်အပြင် လက်တွေ့ကျကျ သုံးသပ်ချဉ်းကပ်ပြီး ပြုလုပ်လေ့ရှိကြသည်။ သူတို့မှာ မြင့်မြတ်သည့် အာဇာနည်စိတ်ဓါတ် သဘောမျိုးလည်း ကိန်းအောင်းနေသည်။ အခြားသူများအတွက် ကုသိုလ်ကံကောင်းထောက်မစေသည့်ပြင် တန်ခိုးအာဏာ ရာထူးဌာနန္တရ ရရှိသူများနှင့်လည်း ဆက်ဆံရတတ်သည်။ စာရေးဆရာကြီး တန်ချန်ရူးက “ဆိတ်ထီးသည် သူ့တွင်ရှိသော ဦးချိုကို အရမ်းမဲ့ အသုံးပြုသည်မဟုတ်၊ ဆိတ်အား မလှုပ်နိုင်အောင် ချုပ်ထားပါက တပဲပဲ အော်နေမည် မဟုတ်၊ နောက်ဆုံးသားသတ်ရုံတွင် အသတ်ခံရသည့်တိုင်အောင် ခုခံခြင်းမပြုပေ” ဟု ရေးသားထားဖူးသည်။ ထိုနည်းတူ ဆိတ်နှစ်ဖွားများသည် သဘောကောင်း မနောကောင်း ဖြစ်ကြသည်။
ထို့ပြင် ဆိတ်နှစ်ဖွားများသည် ကျက်သရေတင့်တယ်သော စေတနာ၊ မေတ္တာထားသော လောကီစည်းစိမ် ဖန်တီးခံစားဝါဒ လက်ကိုင်ထားသောသူ ဖြစ်သည်။ ရန်သူကို အောင်နိုင်သောအခါ ရွှင်လန်းဝမ်းသာမဆုံး ဖြစ်တတ်သော၊ ညံ့ဖျင်းစွာ စိတ်လှုပ်ရှားတတ်သော၊ လိုလားချက်ကို ရိုးသားစွာ တောင်းဆိုတတ်သော၊ အခက်အခဲ ကြုံတွေ့သောအခါ ကူညီမှုကင်းမဲ့တတ်သောသူ ဖြစ်သည်။ စဉ်းစားတွေးတောမှု၊ မိမိကိုယ်ကို ထိန်းချုပ်မှု၊ အခြားသူကို ရိုသေကိုင်းရှိုင်းလေးစားမှုနည်းသည်ကို တွေ့ရသည်။ ထို့ကြောင့် မိမိသည် လူ့အသိုင်းအ၀ိုင်းတွင် အရေးပါမှု နည်းတတ်သည်။ သတိပြု ဆင်ခြင်ပါ။ ထို့ပြင် ယင်းတို့သည် စိတ်ကူးယာဉ် သမားများလည်း ဖြစ်တတ်သည်။ ရိုးသား၍ အနုပညာပါရမီ ရှိကြသည်။ အ၀တ်အစား လှပစွာဆင်ယင်၍ ရှက်တတ်၊ အဆိုးမြင်တတ်၍ အခြားသူများအပေါ်၌ မှီခိုတတ်ကြမည်။ ပန်းချီ၊ ပန်းပု၊ ဗိသုကာ၊ သရုပ်ဆောင်သည့် ပညာရပ်များ၌ ပေါက်ရောက်အောင်မြင်တတ်ကြသည်။ ရာထူးကြီးများ၌ မမြဲတတ်ပေ။
ဆိတ်နှစ်ဖွားအမျိုးသမီးများသည် စိတ်ထားဖြူစင်မည်၊ အချိန်ကို လေးစားသူများမဟုတ်၊ သားသမီးကို အုပ်ထိန်းရာ၌ ခပ်လျော့လျော့ ခပ်ပေါ့ပေါ့ ဖြစ်တတ်သည်။ ခင်ပွန်းသည်များက ချစ်သည်ကို သစ္စာရှိရှိ စွဲစွဲလမ်းလမ်း ပြန်၍ ချစ်တတ်ကြသည်။ ဆိတ်နှစ်ဖွားများသည် ယုန်၊ ၀က်နှင့် မြင်းနှစ်ဖွားများနှင့် ပေါင်းဖက်သင့်၍ နွား၊ ခွေးနှင့် ကြွက်နှစ်ဖွားများကို ရှောင်သင့်သည်။ အကောင်းဆုံးမိတ်ဖက်မှာ မြင်းနှစ်ကောင်ဖွားသူပင် ဖြစ်သည်။
ဆိတ်နှစ်ဖွားများ၌ ထင်ရှားသူများမှာ မိုက်ကယ်ဘင်ဂျလို၊ မူဆိုလီနီ၊ အိုင်ဇက်အဆီမော့၊ တင်းနစ်ချန်ပီယံ ဘောရစ်ဘေကာ၊ စာရေးဆရာ ဆာအာသာကွန်နင်ဒွိုင်း၊ စစ်တုရင်ချန်ပီယံ ဘော်ဘီဖစ်ရှာ၊ မီခေးလ်ဘာချော့ဗ်၊ ပေါကစ်တင်း၊ အက်ဒဝင်မော့စ်ဆက်၊ အိုလီဗာနော့သ်၊ ဘရုစ်ဝီလီ၊ စာရေးဆရာ မတ်တွိုင်း၊ ရူးဒေါ့ဗာလင်တီနို၊ ကုလသမဂ္ဂ အထွေထွေအတွင်းရေးမှူးဟောင်း ပဲရက်ဇ်ဒီကွေလျားနှင့် ဗြိတိန်ဝန်ကြီးချုပ် ဂျွန်မေဂျာတို့ ဖြစ်ကြသည်။
● မျောက်နှစ် အဟော
ထူးထူးခြားခြား ယင်းနှင့် ယန်း နှစ်မျိုးစလုံး ပေါင်းစပ်ထားသော နှစ်ဖြစ်သည်။ မျောက်နှစ်ဖွားများသည် ပြောဆိုဆက်ဆံရခက်သော ဂွတတ၊ ခိုးလိုးခုလု လူစားများ ဖြစ်သည်။ ယင်းတို့သည် တစ်ကိုယ်ကောင်းဆန်ပြီး စိတ်အပြောင်းအလဲ မြန်ဆန်တတ်၍ ကြွပ်ဆတ်ဆတ် နိုင်၏။ စိတ်ရူးပေါက်စွာ လုပ်တတ်သည်။ ရန်လိုတတ်ပြီး စိတ်တိုလွယ်သူများလည်း ဖြစ်သေး၏။ မျောက်နှစ်ဖွားသည် ဥာဏ်ပညာရှိသော ၊ ပျော်ရွှင်စွာနေထိုင်တတ်သော ၊မာနကြီးသော၊ မိတ်ဆွေသဘောကဲ့သို့ ဖော်ရွေသော လက္ခဏာများ ဒွန်တွဲနေသည်။ သို့သော် မထေမဲ့မြင် ပြုတတ်သော ၊ ကြွားဝါသော၊ ငြင်းခုန်တတ်သော၊ လှည့်ပတ်တတ်သော၊ စိတ်ပြောင်းတတ်သော၊ မသမာသောနည်းဖြင့် သာရာစီးတတ်သော၊ စပ်စုသောသူ ဖြစ်သည်။ တီထွင်တတ်ခြင်း၊ ဟိတ်ဟန်ကောင်းခြင်း၊ မှတ်ဥာဏ်ကောင်းခြင်းတို့လည်း ရှိတတ်သည်။ သူတို့သည် လွတ်လပ်စွာနေထိုင်ခြင်း၊ ရည်မှန်းချက် ကြီးမားခြင်း၊ အောင်မြင်လိုခြင်းအတွက် ၀ီရိယဥာဏ် စိုက်ထုတ်ခြင်း ရှိသောသူ ဖြစ်သည်။ အစပိုင်းတွင် စိတ်အားထက်သန်သလောက် အလွယ်တကူ အရှုံးပေးတတ်ခြင်း၊ အဆုံးမသတ်နိုင်ခြင်း၊ မျက်နှာလိုက်ခြင်းများ ရှိတတ်သည်။ သူတို့သည် ဟာသဥာဏ်လည်း ရှိ၍ ပညာဗဟုသုတ ရှာလိုစိတ် ပြင်းပြသူလည်း ဖြစ်သည်။ ပရိယယ်ပေါကြွယ်ဝသည့်ပြင် ကောက်ကျစ်စဉ်းလဲတတ်သေးသည်။
မျောက်နှစ်ဖွားအမျိုးသားများသည် ပျော်တတ် ရွှင်တတ်၍ ချစ်ခင်ဖွယ်ကောင်းသော်လည်း စိတ်ချရသူများ မဟုတ်ပေ။ အရူးအမူး ချစ်တတ်သော်လည်း ကြာလျှင် ရိုးသွားတတ်သည်။ ထို့ပြင် ယင်းတို့သည် အာဏာရမက် တက်မက်ကြ၍ သူတို့မှာ ရှိသော အသိပညာဥာဏ်ကို အာဏာရရှိရေးအတွက် အသုံးချကြသည်။ အမျိုးသမီးများမှာ အိမ်မှုကိစ္စများ၌ စိတ်မဝင်စား၊ ပစ်စလက်ခတ် နေတတ်ကြသည်။ ဖန်တီးဥာဏ် ရှိသည်။ အချစ်ရေး၌ ကံဆိုးတတ်ကြသည်။ ချစ်လိုက်ကွဲလိုက် ဖြစ်ကြသည်။ မျောက်နှစ်ဖွား ကျား၊မ မရွေး အချိန်ကျ၍ လိုအပ်သည့်အခါမှ အသင့်သုံးစွဲရန် သူတို့အသိဥာဏ်ကို သိုသိုသိပ်သိပ် သိမ်းဆည်းထားတတ်၏။ သူတို့၏ ပလွှားဝင့်ဝါမှုကို မြှောက်ပင့်ပေးခြင်းဖြင့် မျောက်နှစ်ဖွားများကို ပေါင်းသင်းရလွယ်ကူ၏။ အိမ်ထောင်ရေး၌ မြင်း၊ မြွေ၊ ၀က်နှင့် အထူးသဖြင့် ကျားနှစ်ဖွားများကို ရှောင်သင့်သည်။ အသင့်တော်ဆုံး ဖူးစာဖက်များမှာ နဂါး၊ ကြွက်၊ ဆိတ်နှစ်ဖွားများ ဖြစ်ကြည်။
မျောက်နှစ်ဖွားများ၌ ထင်ရှားသူများမှာ ထရူးမင်း၊ ဂျူးလီယပ်ဆီဇာ၊ ချိန်ဘာလင်၊ လီယိုနာဒိုဒါဗင်ချီ၊ ဂေါ်ဂင်၊ မီလတန်၊ ကိုင်ရွန်၊ ချားလ်ဒစ်ကင်း၊ ဒူးမား၊ အဲလီဇဘက်တေလာ၊ လင်ဒန်ဂျွန်ဆင်၊ ဂျက္ကလင်းဘိဆက်၊ ယူဘရိုင်းနား၊ မိုနာကိုမင်းသမီး ကာရိုလင်း၊ အိုင်ရန်ဖလဲမင်း၊ ပုတ်ရဟန်းမင်းကြီး ဒုတိယဂျွန်ပေါ၊ အက်ဒဝပ်ကနေဒီ၊ မာရီယိုပူဇို၊ အိုမာရှာရစ် ၊ ရော့ဒ်စတီးဝပ်၊ ဝင်ဆာမြို့စားကတော် မစ္စက်ဆင်မဆင်၊ဗိုလ်ချုပ်မှူးကြီးဟောင်းသန်းရွှေ တို့ ဖြစ်ကြသည်။
● ကြက်နှစ် အဟော
ကြက်နှစ်သည် ယန်းနှစ်ဖြစ်၏။ ကြက်နှစ်ဖွားများသည် ကိလေသန် ပူပန်တတ်၍ လေးလေးနက်နက် ခံစားမှုမရှိဘဲ ဆန့်ကျင်ဘက် လိင်များနောက်သို့ တန်းလန်းစွဲ လိုက်လေ့ရှိသည်။ သူတို့သည် ကျန်းမာသန်စွမ်း၍ စိတ်ဓါတ်ပြင်းထန်သည့်ပြင် ဖြတ်လတ်သွက်သူများ ဖြစ်ကြ၏။ ကြက်ကို မကောင်းမှုများမှာ ကာကွယ်ပေးတတ်သော အထိမ်းအမှတ်အဖြစ် သတ်မှတ်ထားသောကြောင့် ကြက်နှစ်ဖွား အမျိုးသားများသည် ချစ်ခင်နှစ်သက်ဖွယ် လင်ယောက်ျားများ ဖြစ်သည်။ နေ့ဘက် မွေးသူများသည် မာနကြီး၍ ကိုယ့်ကိုယ်ကို ယုံကြည်စိတ်ချသူများ ဖြစ်သည်။ ညဘက်မွေးသူများမှာ ဆုံးမလွယ်ကူ၍ ပျော့ပျောင်းသော သဘောရှိ၏။ များသောအားဖြင့် ကြက်နှစ်ဖွားများသည် လူသိများသော ပရိတ်သတ် ကြိုက်နှစ်သက်သော အနုပညာရှင်များ ဖြစ်ကြသည်။
သို့သော် စိတ်ထဲတွင် တစ်ဦးတည်း နေလိုမှု ထိန်းချုပ်မှုတို့ကို လိုလားသည်။ ပွင့်လင်းသော အကြံဥာဏ်ရှိသူ၊ ချီးမြှင့်ခံရလျှင် နှစ်သက်သူများ ဖြစ်သည်။ ဖြုန်းတီးတတ်သော ကျေနပ်နှစ်သိမ့် တင်းတိမ်ရောင့်ရဲတတ်သော တစ်ခါတစ်ရံ အောင်မြင်မှုအတွက် ကြွားဝါတတ်သော လက္ခဏာရှိသည်။ ယင်းတို့သည် ရဲရင့်၍ အတွေးအခေါ် နက်နဲကြ၏။ လုပ်ရည်ကိုင်ရည်ရှိပြီး ပွင့်ပွင့်လင်းလင်း ရှိသည်။ ကြွက်နှစ်ဖွား အမျိုးသားများသည် ငွေဖြုန်းတီးတတ်သည့် လင်ယောက်ျားများ ဖြစ်တတ်သည်။ မိမိအိမ်ထောင်ကို ကောင်းစွာထားရန် စိတ်ကောင်းရှိသော်လည်း လက်တွေ့မလုပ်တတ်ကြပေ။ အချစ်ကိစ္စ၌ ကြွက်နှစ်ဖွားများသည် မတည်ငြိမ်ကြ။ အိမ်ထောင်ရှင် အမျိုးသမီးများသည် မိခင်ကောင်းများဖြစ်တတ်၍ အိမ်မှုကိစ္စများကို ကောင်းစွာနိုင်နင်းကြမည်။ လင်ယောက်ျားအပေါ်၌ အားကိုးအားထား မပြုကြပေ။
အလုပ်အကိုင်အားဖြင့် သရုပ်ဆောင်ကောင်း ဖြစ်နိုင်သည်။ ငွေကြေးကိုင်တွယ်စီမံရာ၌ ညံ့ဖျင်းမည်။ စီးပွားဖက်အဖြစ် နဂါး သို့မဟုတ် ကျားနှစ်ဖွားသူတို့ကို ရွေးသင့်သည်။ မျောက်နှစ်ဖွားသူတို့နှင့် စီးပွားတူမလုပ်သင့်ပေ။ အိမ်ထောင်ပြုရာ၌ နွား၊ မြွေ၊ နဂါးနှစ်များကို ရွေးချယ်ပါ။ ကြွက်၊ ခွေးနှင့် ကြက်နှစ်ဖွားများနှင့် ပေါင်းဖော်ရသော် မဆိုးလှပေ။ ယုန်နှစ်ဖွားများကိုကား လုံးဝစိတ်ကူးမထည့်သင့်ပေ။
ထင်ရှားသည့် ကြက်နှစ်ဖွားများမှာ မိုက်ကယ်ကိန်း၊ စတိဒေးဗစ်၊ အက်ဒင်ဘာရာမြို့စားကြီး ဖိလစ်မင်းသား၊ ဒီအိပ်ခ်ျလော့ရင့်စ်၊ ဆမ္မားဆက်မွန်၊ ဂျိမ်းစ်မေဆန်း၊ ယိုကိုအိုနို၊ နန်စီရေဂင်၊ ဂျက္ကလင်းဆူဆန်၊ ဆာပီတာဥစတီနော့ဗ်၊ ဂျုံးကောလင်း၊ရုဒတ် ကစ်ပလင်း၊ ဘာဘရာတေလာ၊ဘရက်ဖို့ဒ်၊ မိုက်ကယ်ဟက်ဆဲတင်း၊ ဒေါလ်လီပါတွန်နှင့်မြန်မာ့ဒီမိုကရေစီခေါင်းဆောင်ဒေါ်အောင်ဆန်းစုကြည် တို့ ဖြစ်ကြသည်။
● ခွေးနှစ်အဟော
ခွေးနှစ်အတွင်း မွေးဖွားသူများမှာ ယင်းဘဝနှင့် သက်ဆိုင်သည်။ သူတို့သည် လျင်မြန်ဖြတ်လတ်၍ အကင်းပါးသည့်အပြင် အမြဲအသင့်ရှိနေကြသည်။ အိမ်စောင့်ခွေး ဟူသော အသုံးအနှုန်းမှာ အလွန်ဆီလျော် လိုက်ဖက်သော အသုံးအနှုန်းဖြစ်သည်။ အဘယ်ကြောင့်ဆိုသော် ထိုနှစ်ဖွားသူများသည် မိမိကိုယ်ကိုလည်းကောင်း၊ အခြားသူများကိုလည်းကောင်း၊ ကောင်းစွာ ကာကွယ်စောင့်ရှောက်တတ်၏။ နေ့မွေးများသည် သာယာဖြောင့်ဖြူး လွယ်ကူချမ်းသာသော ဘ၀စည်းစိမ်ကို အပြည့်အဝ ခံစားခွင့်ရ၊ ငွေကြေးရွှင်သော်လည်း ညမွေးသူများမှာ ဘဝရပ်တည်ရေးအတွက် အောင်မြင်မှုနည်းပါး၍ တကယ့်တိရစ္ဆာန်ခွေးပမာ ခက်ခဲပင်ပန်းစွာ ရှာဖွေစားသောက်ရသည်။ ခွေးနှစ်ဖွားများသည် အခြေခံအားဖြင့် တစ်ဖက်သားအား ကူညီစိတ်အပြည့်ရှိသောကြောင့် သူတို့၏ အကြံပြုချက်များကို အမှတ်မထင် မပြုသင့်ပေ။ သို့ရာတွင် ပြုမူဆောင်ရွက်ပုံ သေသပ်သဖြင့် ဝင်ရောက်စွက်ဖက် ခလောက်ဆန်သလို ထင်မှတ်ရတတ်သည်။ သူတို့သည် တစ်ကိုယ်ကောင်းစိတ်ကင်းပြီး သစ္စာရှိသူများ ဖြစ်တတ်ပါသည်။ သူတို့၏ ထိုးထွင်းသိမြင်တတ်သော ဇဝနဥာဏ်သည် သူတို့၏ ထက်မြက်သော စွမ်းအားတစ်ခု ဖြစ်သည်။
များသောအားဖြင့် ခွေးနှစ်ဖွားများသည် လျှို့ဝှက်တတ်သော၊ ခေါင်းမာသော၊ တစ်ကိုယ်တည်း အတွေးနှင့် စိတ်လှုပ်ရှားနေသောသူ ဖြစ်သည်။ လောကကို အပြစ်မြင်သော၊ အပျက်မြင်ဝါဒ လက်ကိုင်ထားသော သစ္စာရှိသော၊ ရိုးသားယုံကြည်ရသော၊ စိတ်ချအားကိုး မျက်နှာလွှဲ နားလည်လွယ်သော၊ အမြော်အမြင် ဆင်ခြင်တတ်သော၊ လျှို့ဝှက်မှုအတွက် စိတ်ချရဆုံးသော ၊ အလုပ်ကြိုးစားသော ၊ ရက်ရောတတ်သောသူ ဖြစ်သည်။ သို့သော် သဲကဲစွာ မပြောဆိုတတ်မှု၊ ပရဟိတအကျိုးနှင့် ဆန့်ကျင်မှုတို့ ရှိတတ်သည်။ ယင်းတို့သည် ငွေကြေးမမြဲတတ်ပေ။ ရလိုက် ကုန်လိုက် လူစားမျိုးဖြစ်သည်။ ထို့ပြင် ခွေးနှစ်ဖွား အများစုသည် လူအများနှင့် ရောထွေးဆက်ဆံခြင်းကို မကြိုက်၊ ဘာသိဘာသာ နေထိုင်တတ်ကြသည်။ အဆိုးမြင် သဘောထားဘက်သို့ ယိမ်းသော်လည်း သဘောထား မသေးကြ။ ဥပဒေ၊ ဆေး၊ ဘာသာရေးတို့၌ ထူးချွန်မည်။ မြင်း သို့မဟုတ် ယုန်နှစ်ဖွားသူများနှင့် တွဲဖက်လုပ်ကိုင်ပါက စီးပွားရေးဖြစ်ထွန်းမည်။ အိမ်ထောင်ဖက်အဖြစ် ကျားနှစ်ဖွားများကို ရွေးသင့်ပေသည်။ ဆိတ်၊ နဂါး သမားများကို ရှောင်သင့်သည်။ ခွေးနှစ်ဖွားအမျိုးသမီးများသည် သစ္စာရှိသော အထိန်းအသိမ်းကောင်းသော အိမ်ရှင်မများ ဖြစ်တတ်သည်။
ခွေးနှစ်ဖွားများ၌ ထင်ရှားသူများမှာ ဆိုဖီယာလောရင်း၊ ဆွီဒင် (၁၆)ဆက်မြောက် ကားလ်ရူစတပ်ဘုရင်၊ ပန်းချီကျော် ပေါလ်ဇေးဆင်း၊ ဆာဝင်စတန်ချာချီ၊ အမေရိကန် သမ္မတ ဘီလ်ကလင်တန်၊ ဟင်နရီကူးပါး၊ တင်မိုသီဒယ်တန်၊ ဗစ်တာဟူရိုး၊ ရှာလီမက်လိန်း၊ မက်ဒေါနား၊ နော်မန်မင်လာ၊ ဂိုဒါမီယာ၊ ပရက်စ်လေ၊ စတားလုံး၊ မာသာထရစ်ရှာ၊ ဗော်တဲယား၊ ၀ီလျံမင်းသား၊ ရောဘတ်လူဝီစတီဗင်ဆန်၊ ဒေးဗစ်နီဗင်၊ လီနင်၊ ဆိုကရေးတီး၊ ဘရစ်ဂျစ်ဘားဒေါ့၊ မေရီကွန်၊ မက်ဂီစမစ် တို့ ဖြစ်ကြသည်။
● ၀က်နှစ် အဟော
ဝက်နှစ်သည် ယင်းနှင့် ယန်း ဘဝနှစ်ခုလုံး ရောထွေးနေသော ရှားရှားပါးပါး နှစ်တစ်နှစ်ပင် ဖြစ်သော်လည်း “ယင်း” ဘဝလွန်ကဲသည်ဟုလည်း ဆိုနိုင်သည်။ဤနှစ်ဖွားများသည် သန်စွမ်းရဲရင့်သည်၊ ဥာဏ်ထက်မြက်ခြင်း မရှိစေကာမူ အလုပ်ကြိုးကြိုးပမ်းပမ်း လုပ်တတ်သည်။ ဗဟုသုတရှာမှီးရန် စိတ်ဝင်စားသည်။ ယင်းတို့သည် ကြွားဝါတတ်ခြင်း၊ မြှောက်ပင့်တတ်ခြင်း ရှိ၍ တစ်ခါတစ်ရံ ကာမဂုဏ်စိတ် ပိနေတတ်သည်။ စိတ်ဓါတ်အားဖြင့် အေးဆေးတည်ငြိမ်သိမ်မွေ့၍ ရှက်တတ်သည်။ ယဉ်ကျေး၍ စိတ်ကောင်းရှိသည်။ သစ္စာရှိ၍ အလွန်အားကိုးရသော မိတ်ဆွေများ ဖြစ်သည်။ အငြင်းအခုံ မလိုလားကြသော ရိုးသား၍ စီးပွားရေး၌ သူပြိုင်ငါပြိုင် မလုပ်လိုကြပေ။ ငွေကို မက်မက်မောမော မရှိလှပေ။ သူတစ်ပါး၏ အလိမ်အညာကို ခံရမည်။ တစ်ခုခုကို စွဲစွဲမြဲမြဲ လုပ်တတ်သူများဖြစ်၍ တစ်ယူသန်တတ်သည်။ တစ်ခါတစ်ရံ၌ ပျင်းရိလေးတွဲမည်။ ၀က်နှစ်ဖွားအမျိုးသားများသည် ၀တတ်သည်။ ၀က်နှစ်ဖွား အများစုမှာ အေးဆေးတည်ငြိမ်၍ သဘာဝအားဖြင့် မိမိကိုယ်ကို ထိန်းသိမ်းနိုင်သူများ ဖြစ်သည်။ အများနှင့် ဆက်ဆံရာ၌ လျှို့ဝှက်ဆန်လေ့ ရှိသည်။ ပွင့်ပွင့်လင်းလင်း မရှိသူများ ဖြစ်သည်။ အန္တရာယ်နှင့် ကြုံတွေ့သောအခါ အစဉ်အမြဲ အသင့်အနေအထား ရှိတတ်ကြသည်။ ယင်းတို့သည် အောက်သက်ကြေ၍ လက်တွေ့ဆန်သူများလည်း ဖြစ်သည်။ သူတို့သည် အစားအစာနှင့် အာရုံခံစားမှုများတွင် ပျော်မွေ့၍ သင့်တင့်သည်ထက် ပို၍ ဇိမ်ခံလေ့ ရှိသည်။
ဝက်နှစ်တွင် မွေးဖွားသော အမျိုးသမီးများသည် သစ္စာရှိသော ဇနီးများဖြစ်၍ သားသမီးများကို ချစ်ခင်တွယ်တာသည့် မိခင်ကောင်းများ ဖြစ်ကြသည်။ အမျိုးသားများ ဖြစ်ပါက မိမိသားမယားကို ရိုးမြေကျ စွဲစွဲလမ်းလမ်း သစ္စာရှိစွာ ချစ်တတ်သည်။ တစ်နည်းဆိုရသော် မိမိအိမ်ထောင်ဖက်အပေါ် မေတ္တာမပျက် သစ္စာဖက်၍ ရွှေလက်မြဲမြဲ တွဲသွားမည့် သူများဖြစ်သည်။ ကြင်နာသနားတတ် သူများလည်း ဖြစ်တတ်သောကြောင့် သနား၍ အိမ်ထောင်ဖက် ပြုခဲ့သူများလည်း တွေ့ရများသည်။ ၀က်နှစ်ဖွားများသည် အိမ်ထောင်ဖက်အဖြစ် ယုန်၊ ဆိတ်၊ ကျား၊ မြင်းနှစ်မွေးဖွား သူများကို ရွေးချယ်သင့်ပေသည်။ မြွေနှစ် မွေးဖွားသူများနှင့်မူ အထူးရှောင်သင့်သည်။ မျောက်နှစ်ဖွားများကို ယူလို့ရသော်လည်း တကျက်ကျက် ရန်ဖြစ်နေတတ်သည်။ ယင်းတို့ သတိပြုရန်မှာ ကာမဂုဏ်အာရုံနှင့် စည်းစိမ်ခံမှုတွင် လွန်ကဲတတ်သူဖြစ်၍ ကျန်းမာရေး ထိခိုက်နိုင်လေသည်။
ဝက်နှစ်ဖွားများ၌ ထင်ရှားသူများမှာ အော်လီဗာကရွန်းဝဲလ်၊ ဒေါက်တာရွိုက်ဇာ၊ ဟင်နရီဖို့ဒ်၊ ရော့ကီဖဲလား၊ အဋ္ဌမမြောက် ဟင်နရီဘုရင်၊ ဘစ်စမတ်၊ နိုဝယ်ကားဝပ်၊ ဂျူအယ်လင်တန်၊ ချန်ကေရှိတ်၊ ဘာဘရာကာဆယ်၊ ဗလာဒီမာနာဆိုကော့၊ တင်နက်ဆီဝီလျံ တို့ ဖြစ်ကြသည်။
ဆရာသုတဆန်း
0 Comments